Tótenshe jaǵdaı qyzmetkerleri bıyl 71 adamdy sýdan qutqardy
NUR-SULTAN. QazAqparat – Elimizde sýǵa túsý maýsymy bastalǵaly beri qutqarýshylar 71 adamdy aman alyp qalǵan, dep habarlaıdy QazAqparat TJK baspasóz qyzmetine silteme jasap.
«Sýda adamdardyń qaýipsizdigin qamtamasyz etý maqsatynda TJK aldyn alý jumystaryn júrgizedi. Kún saıyn azamattyq qorǵaý organdary men polıtsııa qyzmetkerleriniń qatysýymen reıdter jáne patrýlder júrgiziledi», - dep habarlaıdy komıtetten.
Jalpy jyl basynan beri elimizdiń sý aıdyndarynda 93 adam, onyń ishinde 20 bala qutqarylǵan. Al sýǵa shomylý maýsymy bastalǵannan beri (1 maýsymnan bastap) 71 adam, onyń ishinde 12 balany qutqarýshylar qaýipten arashalap alǵan.
«Máselen Aqmola qutqarýshylary bir kúnde oblystyń kólderinde segiz adamdy qutqardy. Keshe Zerendi, Býrabaı aýdandary men Kókshetaý qalasynyń kólderinde segiz adam qutqaryldy. Máselen, Kókshetaý qalasynda 2002 jyly týǵan jigit avtokólik kamerasymen jaǵadan alys júzip ketip, óz betinshe qaıtyp kele almady. Býrabaı aýdanynda tórt adam qaıyqpen «Býrabaı» kóliniń ortasynda júzip júrgende qaıyq tesilip, oǵan sý tola bastaǵan. Adamdar qaıta ýaqtyly qutqaryldy», - delingen habarlamada.
Sol kúni Şýche kólinde qutqarýshylar jaǵadan alys júzip ketken eki qyzdy qutqardy. Al, Zerendide qyz balany matrasymen birge jel aıdap áketken. Qutqarylǵandar medıtsınalyq kómekke muqtaj bolǵan joq.
ІІM TJ komıteti azamattardy sý aıdyndarynda qaýipsizdik qaǵıdalaryn saqtaýǵa shaqyrady.
