Tótenshe jaǵdaı qyzmetkerleri 1,5 mln turǵyn úıdi tekserip shyqpaq

NUR-SULTAN. QazAqparat – 24 myń turǵyn úıden órt qaýipsizdigi talaptary buzylýynyń 56 myń faktisi anyqtaldy. Bul týraly Úkimet otyrysynda QR Tótenshe jaǵdaılar mınıstri ıÝrıı Ilın aıtty, dep habarlaıdy QazAqparat tilshisi.

«15 tamyzdan bastap TJM bólimsheleri halyqqa órt qaýipsizdigi talaptaryn túsindirýge baǵyttalǵan Órt qaýipsizdigi respýblıkalyq aktsııasyn ótkizip jatyr. Áleýmettik qorǵanys organdarynyń aqparatyna sáıkes, halyqtyń áleýmettik álsiz tobynan 107 myńnan astam turǵyn úı esepke qoıyldy. Olardy aralap shyǵý aıaqtaldy. Ókinishke oraı, 2 myńnan astam úıdiń turǵyndary tekserýden jáne keńes alýdan bas tartty. Atalǵan sanatqa kiretin azamattardyń úılerin qaıtadan aralap shyǵý qarasha men jeltoqsanda júrgiziledi», - dedi mınıstr.

Onyń dereginshe, tekserilgen 24 myń turǵyn úıden órt qaýipsizdigi talaptary buzylýynyń 56 myń faktisi anyqtaldy. Olardyń 26 myńnan astamy birden joıyldy. Osy jyldyń sońyna deıin 1,5 mln-nan astam turǵyn úıdi tekserip shyǵý josparlanyp otyr.

«Jaz mezgilinde jeke turǵyn úılerge 6 944 datchık ornatyldy. Sońǵy 3 jyldyń ishinde turǵyn úılerge ákimdikterdiń jáne demeýshilerdiń qarajaty esebinen 124 myńnan astam avtonomdy datchık ornatylǵan bolatyn. Olar ótken jylý berý kezeńinde 140 azamatymyzdyń ómiri men densaýlyǵyn saqtap qalýǵa múmkindik berdi», - dedi ıÝrıı Ilın.