Tótenshe jaǵdaı kezinde jumys istegen býkmeker ákimshisi qamaýǵa alyndy
TÚRKІSTAN. QazAqparat - Elimizde 16-naýryzdan bastap 15-sáýirge deıin tótenshe jaǵdaı jarııalandy. Osyndaı jaǵdaıǵa qaramastan tótenshe jaǵdaı rejımin buzyp, paıda tabý úshin jumysyn jalǵastyryp kele jatqan kásipkerlik nysandary áli anyqtalý ústinde.
Bul týraly QazAqparat Túrkistan oblystyq Polıtsııa departamentine silteme jasap habarlaıdy.
Túrkistan oblysy Polıtsııa departamentiniń jeke quramy kúsheıtilgen rejımdegi qyzmetke kóshken. ıAǵnı kúni-túni reıd jumystardy júrgizilip, adam kóp jınalatyn basqosýlar, toı-jıyndar, is-sharalardy ótkizýge tyıym salyp, qaýipsizdik sharalaryn qadaǵalaýda.
Osyndaı kezekti reıd barysynda Sozaq aýdanynyń polıtseıleri, aýyldardyń birinde býkmekerlik keńseniń jumys jasap jatqanyn anyqtady. Muny anyqtaǵan polıtseıdiń aıtýynsha, tótenshe jaǵdaı jarııalanyp, tyıym salynǵannan keıin, ıaǵnı 18-19 naýryz kúnderi oıyn-saýyq oryndarynyń jumysy toqtatylýy kerek dep, atalǵan býkmekerlik keńsege birneshe ret eskertý jasaǵan. Alaıda býkmekerlik keńse ákimshisi oǵan qulaq aspaı 23-naýryz kúni adam qabyldap otyrǵany belgili boldy.
«Qazaqstan Respýblıkasy Prezıdentiniń 15.03.2020 jylǵy Jarlyǵynyń talaptaryn óreskel buzǵan atalmysh turǵynǵa QR Ákimshilik quqyqbuzýshylyq kodeksiniń 476-baby «Tótenshe jaǵdaı rejımin buzý» boıynsha hattama túzilip, aýdandyq sottyń qaýlysymen kináli dep tanylyp, 5 táýlikke ákimshilik qamaqqa alyndy.
«Túrkistan oblysynyń polıtseıleri oıyn-saýyq, saýda ortalyqtary men dámhana-bar, toıhana ıelerine eskertedi: tótenshe jaǵdaı kezinde zań talaptaryna sáıkes áreket etip, múmkindiginshe kóp adam shoǵyrlanýyna jol bermeńizder. Bul ózińizdiń de, ózgelerdiń de densaýlyqtary úshin qajet bolmaq»,-delingen habarlamada.
