Tótenshe jaǵdaı kezinde sot protsesteri qalaı ótip jatyr
«Elimizdiń tótenshe jaǵdaıda ómir súrip jatqanyna bir aıdan asty. Tótenshe jaǵdaıǵa baılanysty elimizdiń birneshe qalasynda karantın rejımi engizilip, búkil salalar qashyqtan jumys isteýge kóshti. Elimizdiń sot bıligi de qashyqtan qyzmet kórsetý rejımin múltiksiz saqtap otyr. Nur-Sultan qalasynyń sottary TrueConr jáne WhatsApp mobıldi qosymshalary arqyly azamattyq, ákimshilik jáne qylmystyq isterdi qarap jatyr», -deıdi zańger.
Onyń aıtýynsha, karantın rejımi engizlgenine qaramastan qala turǵyndary óz quqyqtaryn qorǵaý úshin sotqa júginýdi toqtatqan joq. Sáıkesinshe, qylmystar da tyıylǵan joq. Ásirese «Tótenshe jaǵdaı rejımin buzý» baby boıynsha zańbuzýshylyq kóbeıdi.
«Qazir Nur-Sultan qalasynyń Mamandandyrylǵan arnaıy ákimshilik sotynyń jumysy qyzyp tur. Osy kúnge deıin birqatar azamat «Ákimshilik qamaý», «Ákimshilik aıyppul tóleý» sııaqty jaýapqa tartyldy. Osyǵan oraı el turǵyndaryn tótenshe jaǵdaı rejımin saqtap, karantın rejımin buzbaýǵa shaqyramyn. Sebebi, ózim osyndaı sot protsesterinde qorǵaýshy-advokat retinde kóp qatysamyn. Osy jaıttardy óz kózimmen kórdim. Statıstıkalyq málimetterge qarasaq, aty jaman indetti juqtyrǵandar sany 2 myńnan asyp ketti. Bárimiz birge jumylyp, tótenshe jaǵdaı rejımin saqtap qana bul indetti jeńe alamyz», - dedi A. Abdrahmanov.