Tótenshe jaǵdaı kezinde sheteldikterdiń Qazaqstanda júrip-turý erejeleri qandaı
ALMATY. QazAqparat - Almaty polıtsııasy tótenshe jaǵdaı kezinde sheteldikterdiń Qazaqstan Respýblıkasynda júrip-turý erejelerin túsindirdi, dep habarlaıdy Polisia.kz.
QR aýmaǵynda tótenshe jaǵdaıdyń engizilýine baılanysty shetel azamattarynyń Qazaqstan Respýblıkasyna kirip-shyǵýyna shekteý qoıyldy.
«Shetel azamattarynyń kóshi-qon salasyndaǵy zańnamany olardyń yqpalynan tys sebeptermen buzýynyń aldyn alý maqsatynda Qazaqstan Respýblıkasy vızasyz kirýdiń jáne elde júrip-turýdyń tártibi týraly kelisim jasasqan. Onyń árqaısysy árbir kúntizbelik júz seksen kún ishinde toqsan kúnge deıin QR aýmaǵynda bolýdy talap etedi. Kóshi-qon qyzmetteri ortalyǵy ýaqytsha turýǵa ruqsatty 30 kúnge deıin uzarta alady. Qazaqstanǵa ártúrli sanattaǵy vızamen kelgen jáne merzimi aıaqtalǵan sheteldikterdiń elde júrip-turýyn Almaty qalasynyń kóshi-qon qyzmeti tótenshe jaǵdaı aıaqtalǵanǵa deıin sozyp beredi», – dedi Almaty qalalyq PD kóshi-qon qyzmeti basqarmasynyń basshysy Ashat Býtýnchınov.
Sonymen birge, sheteldik azamattar ruqsat etilgen 30 kúnniń ishinde nemese vıza ýaqyty bitken kezde Qazaqstan Respýblıkasynan shyqpasa, QR Ákimshilik quqyq buzý týraly kodeksine sáıkes ákimshilik jaýapkershilik qarastyrylǵan. Alaıda, fors-major jaǵdaıyna baılanysty sheteldikter ýaqytynan buryn ketip qalǵany úshin ákimshilik jaýapkershilikke tartylmaıdy.
