Tótenshe jaǵdaı kezinde saqtandyrý boıynsha zań jobasyn ázirleý aıaqtalyp qaldy
ASTANA. 1 sáýir. QazAqparat - Qazaqstanda «Tótenshe jaǵdaı oryn alǵanda saqtandyrý týraly» zań jobasyn ázirleý aıaqtalýǵa taıaý.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Tótenshe jaǵdaılar vıtse-mınıstri Valerıı Petrov málim etti.
Onyń aıtýynsha, Úkimet janynda vedomstvoaralyq jumys toby quryldy jáne ol birneshe aıdan beri TJ-dan saqtandyrý jaıyn qarastyrýda.
«Bul turǵydaǵy másele kúrdeli, sebebi TJ-dan saqtandyrý boıynsha álemdik tájirıbeni zerdelep, saqtandyrý jarnasynyń kólemi men qarjylandyrý kózin aıqyndaý qajet boldy. Buǵan QR Ekonomıka jáne bıýdjettik josparlaý mınıstrligi jaýapty. Sonymen qatar «TJ oryn alǵan kezde saqtandyrý týraly» zań jobasyn daıarlaý aıaqtalý satysynda»,-dep túıdi V. Petrov.
