Tótenshe jaǵdaı kezinde polıtsııaǵa judyryq ala júgirgen aqmolalyq qamaýǵa alyndy
KÓKShETAÝ. QazAqparat - Tótenshe jaǵdaı kezinde polıtsııaǵa qarsylyq tanytqan Qosshy aýylynyń turǵyny ýaqytsha ustaý oqshaýlaǵyshyna qamaldy, dep habarlaıdy QazAqparat tilshisi Aqmola oblystyq polıtsııa departamentine silteme jasap.
Vedomstvonyń málimetinshe, er adam tártip saqshysynyń talabyna kónbeı qarsylyq kórsetken. Oqıǵa «Lesnaıa polıana» turǵyn úı keshenindegi №26 úıdiń aýlasynda bolǵan.
Polıtsııa qyzmetkeri atalmysh eldi mekendi patrýldeý kezinde balalar oıyn alańynda júrgen áıeldi kórgen. Qosshy aýylynda epıdemıologııalyq jaǵdaıdyń kúrdeli bolýy jáne karantındik rejımniń engizilgenine qaramastan áıel jas balasymen dalada serýendep júrgen.
Tártip saqshysynyń karantındik rejım ýaqytynda úıge bar degen talabyn elemegen áıel azamattyq nekedegi kúıeýin shaqyrǵan. Er adam polıtsııa qyzmetkerine qarsylyq tanytyp, judyryq ala júgirdi. Ol azdaı onyń úlken uly men beıtarap ótip bara jatqan er adamda tóbeleske aralasty.
«Qosshy aýlynyń 39 jastaǵy turǵyny ustalyp, ýaqytsha ustaý oqshýlaǵyshyna qamaldy. Onyń ústinen QR QK 380 baby boıynsha sotqa deıingi is qozǵaldy. Al, onyń azamattyq nekedegi 38 jastaǵy áıeli QR ÁQbK 476-baby boıynsha ákimshilik jaýapqa tartyldy. Sonymen qatar, beıtarap ótip bara jatyp oqıǵaǵa aralasyp, polıtsııa qyzmetkerine kúsh qoldanǵan úshinshi er adamda izdestirilýde», - deıdi vedomstvodan .
Osy rette, Aqmola oblystyq PD bastyǵy Armanbek Baımýrzın óńir turǵyndaryna tótenshe jaǵdaı rejımin buzýǵa jol berilmeıtin eskertýde.
«Shekteý rejımin barlyǵymyz ustanýymyz kerek. Polıtsııa qyzmetkerleri kóshelerdi patrýldep, turǵyndardyń karantın rejımin saqtaýyn qamtamasyz etedi. Bizdiń barlyq kúshimiz jáne áreketimiz azamattarymyzdyń qamyna qarsy baǵyttalmaǵan», - dep túsindirdi PD bastyǵy A.Baımýrzın.
