Tótenshe jaǵdaı kezinde óńirlerge dári-dármek tolyq jetkizildi - SQ-Farmatsııa
NUR-SULTAN. QazAqparat - «SQ-Farmatsııa» JShS basqarma tóraǵasy Berik Shárip epıdemıologııalyq jaǵdaıdaǵy dári-dármekpen qamtamasyz etý jumystaryn baıandady, dep habarlaıdy QazAqparat.
«Jalpy qazirgi tótenshe jaǵdaı aıasynda biryńǵaı dıstrıbıýtor óz jaǵynan dári-dármekpen qamtamasyz etý jumystaryn júrgizip jatyr. Tótenshe jaǵdaıǵa qaramastan, tolyǵymen dári-dármekti barlyq óńirlerge jetkizip jatyrmyz», - dep atap ótti basqarma tóraǵasy Ortalyq kommýnıkatsııalar qyzmetindegi brıfıng barysynda.
Onyń aıtýynsha, 2020 jylǵa biryńǵaı dıstrıbıýtor 1 385 ataýly dári-dármek boıynsha 259 mlrd teńgege shart jasaǵan.
«Qazirgi ýaqytta barlyq óńirlerdegi medıtsınalyq mekemelerge 86 mlrd teńgeniń dári-dármegi tolyq jetkizildi. Onyń ishinde 47 mlrd teńgege dári-dármek ambýlatorııalyq deńgeıde, ıaǵnı emhanalarǵa jáne birinshi medıtsınalyq kómek kórsetetin mekemelerge jetkizildi. Al 27 mlrd teńgeniń dári-dármegi turǵyndarǵa tegin qolma-qol berildi», - dedi spıker.
Statsıonarlyq deńgeıde jyl basynan beri 39 mlrd teńgeniń dári-dármegi jetkizilgen.
«Qazirgi ýaqytta medıtsınalyq mekemelerde COVID-19 dertin emdeý úshin vırýsqa qarsy dári-dármekterdi - Lopınavır, Rıtınavır, Gıdroksıhlorohın, dene qyzýyn tómendetetin dári-dármek, antıbıotıkterdi medıtsınalyq mekemelerge qolma-qol jetkizip jatyrmyz. Biren-saran dári-dármekti jetkizýde qıyndyqtar týyndady. Ásirese, Úndistannyń shekarasy sáýir aıynan beri jabyq. Alaıda biryńǵaı dıstrıbıýtor satyp alý rásimderin qazan aıynan jeltoqsan aıyna deıin ótkizgen edi. Jeltoqsan aıynda da dári-dármek qory qoımamyzda boldy. Sol sebepti qazir bul dári-dármekterdi de jetkizýdi toqtatpadyq», - dedi Berik Shárip.
