Tótenshe jaǵdaı kezinde qujattardyń merzimi aıaqtalsa ne isteý kerek

ÓSKEMEN. QazAqparat – Shyǵys Qazaqstan oblysynyń polıtseıleri Tótenshe jaǵdaı rejımi kezinde qujattardyń merzimi aıaqtalsa ne isteý kerektigin túsindirdi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, el aýmaǵynda engizilgen Tótenshe jaǵdaı rejımi kezinde birqatar qujattar jaramdylyq merzimi ótse de jaramdy dep tanylady. Atap aıtqanda:

- Qazaqstan Respýblıkasy azamatynyń tólqujaty jáne jeke kýáligi;

- QR aýmaǵynda sheteldiktiń turý yqtııarhaty;

- Azamattyǵy joq tulǵa kýáligi;

- Bosqyn kýáligi;

- Pana izdeýshi tulǵanyń kýáligi;

- Qazaqstan Respýblıkasynda ýaqytsha turýǵa ruqsatnama;

- Vızalar;

- Eńbek mıgranttaryna ruqsatnama.

«Atalǵan qujattardy aýystyrý nemese uzartý ákimshilik jaýapkershilikke tartpastan, tótenshe jaǵdaı aıaqtalǵannan keıin júzege asyrylady. Qazaqstan Respýblıkasynyń azamattary men sheteldikter osy másele boıynsha Tótenshe jaǵdaı aıaqtalǵan soń 30 táýlik ishinde júgine alady», - dedi oblystyq PD Kóshi-qon qyzmeti basqarmasynyń bastyǵy Erbol Bekpaev.