Tótenshe jaǵdaı kezinde kommýnaldyq qaryzy bar tutynýshylarǵa jeńildik jasaý usynyldy

NUR-SULTAN. QazAqparat - Tarıftik retteýshi kommýnaldyq qyzmetterdi jetkizýshilerge qaryzdar úshin tutynýshylarǵa óz qyzmetterin berýdi toqtatpaýǵa keńes berdi, dep habarlaıdy QazAqparat.

Osy oraıda QR UEM Tabıǵı monopolııalardy retteý komıtetiniń ortalyq apparaty óziniń aýmaqtyq bólimshelerine tıisti tapsyrma berdi. Onyń aıasynda tabıǵı monopolııalar jáne qoǵamdyq mańyzy bar naryqtar sýbektilerine tótenshe jaǵdaı kezeńinde paıda bolǵan qaryzdar úshin tutynýshylarǵa TKSh salasynda rettelip kórsetiletin qyzmetterdi usynýdy toqtatpaýǵa keńes berildi.

«Bul sharalar koronavırýstyń taralýyna baılanysty eldegi tótenshe jaǵdaı kezeńinde Qazaqstan Respýblıkasy halqynyń qaýipsizdigin qamtamasyz etý maqsatynda qabyldandy», - delingen QR UEM Tabıǵı monopolııalardy retteý komıtetiniń habarlamasynda.