Tótenshe jaǵdaı kezinde Qazaqstannan 5,7 mln medıtsınalyq maska alyp ótýge jol berilmedi
NUR-SULTAN. QazAqparat – QR UQK Shekara qyzmeti tótenshe jaǵdaı kezinde 5,7 mln medıtsınalyq maska, 37 myńnan astam respırator, 5,7 myń qorǵanys kostıými men 480 qorǵanys kózildirigi, 3,9 mln medıtsınalyq qolǵapty alyp ótýge jol bermedi. Bul týraly QazAqparat Shekara qyzmetiniń Facebook-tegi paraqshasyna silteme jasap habarlaıdy.
Shekara qyzmeti atap ótkendeı, 2020 jyldyń 16 naýryzynan bastap tótenshe jaǵdaı kezinde Memlekettik shekarany kesip ótý tártibi belgilengen.
Shekara arqyly kirýge jáne shyǵýǵa shekteý engizildi. Jumys sanıtarlyq qyzmetter men kedenniń ózara árekettesýimen tolyq daıyndyq rejıminde júrgizildi. Barlyq ótkizý pýnktterinde aýrý belgileri bar azamattar úshin jeke ótetin joldar bólindi. 1 sanattaǵy elderden keletin áýe kemelerine erekshe shekaralyq baqylaý ornatyldy.
2020 jyldyń 22 naýryzynan bastap basqa elderge áleýmettik mańyzy bar azyq-túlikterdi eksporttaýǵa baqylaý engizildi.
Tótenshe jaǵdaı kezinde shekaradan 590 854 tulǵa ótkizilgen (QR – 260 547, sheteldik – 330 307); barlyǵy 282 589 tulǵa kirip (QR – 162 800, sheteldik – 119 789), 308 265 adam shyǵyp ketti (QR – 97 747, sheteldik – 210 518).
238 880 júk kóligi ótkizildi (QR – 115 048, sheteldik KQ – 123 832), 117 997 kólik shyqsa (QR – 576 872, sheteldik KQ – 61125), 120 883 júk kóligi kirdi (QR – 58176, sheteldik KQ – 62707).
