Tótenshe jaǵdaı kezinde Qazaqstanǵa memlekettik tirkeýden ótpegen dárilerdi ákelýge ruqsat etiledi - buıryq

ASTANA. QazAqparat – Memlekettik tirkeýden ótpegen dárilik zattar men medıtsınalyq buıymdardy gýmanıtarlyq kómek retinde el aýmaǵyna ákelýge ruqsat etiletin jaǵdaılar tizbesi bekitildi, dep habarlaıdy QazAqparat tilshisi.

«Qazaqstan Respýblıkasynda memlekettik tirkeýden ótpegen dárilik zattar men medıtsınalyq buıymdardy gýmanıtarlyq kómek retinde QR aýmaǵyna ákelýdiń mynadaı jaǵdaılary aıqyndalsyn:

- Qazaqstan Respýblıkasynyń aýmaǵynda halyqtyń ómiri men densaýlyǵyna qaýip tóndiretin tótenshe ahýaldardy bolǵyzbaýǵa nemese olardyń saldaryn joıý;

- tótenshe jaǵdaı engizý kezeńi;

- asa qaýipti ınfektsııalyq jáne parazıttik aýrýlardyń profılaktıkasy jáne olardy emdeý;

- orfandyq (sırek kezdesetin) aýrýlardy emdeý úshin», - delingen Densaýlyq saqtaý mınıstri Ajar Ǵınııat qol qoıǵan buıryqta.

Qujat resmı jarııalanǵannan 10 kún ótip baryp, 24 shildede kúshine enedi.