Tótenshe jaǵdaı kezinde qaı salalardyń tabysy kóbeıdi - UKP
NUR-SULTAN. QazAqparat - «Atameken» ulttyq kásipkerler palatasynyń basqarma tóraǵasy Abylaı Myrzahmetov Tótenshe jaǵdaı kezinde tabysy kóbeıgen salalar týraly pikir bildirdi, dep habarlaıdy QazAqparat tilshisi.
«Onlaın jetkizý qyzmetteriniń aınalymy 3-5 esege deıin artty. Tótenshe jaǵdaı kezinde bul sala keńinen damydy. Árıne, qoımalardyń jetispeýi syndy kemshilikter de anyqtaldy. Azyq-túlik jáne agrarlyq sektordaǵy tabys 2,6 paıyzǵa artty. Medıtsına salasynda da ósim baıqalady, óıtkeni halyq medıtsınalyq maskalar men túrli preparattardy satyp aldy», - dedi A. Myrzahmetov onlaın bergen suhbatynda.
Onyń aıtýynsha, TJ kezeńin qosqanda, memlekettik satyp alýlar bıýdjeti 4,7 trln teńge bolǵan. Onyń 3,9 trln teńgesi qurylys salasyna bólingen.
«3,9 trln teńge nemese bıýdjettiń 85 paıyzy qurylys salasyna bólingen. Aýqymdy qarajat bólingendikten, bul salalada da ilgerileý baıqalýy tıis. Bes kúnnen beri tenderler jeńildetilgen túrde ótip jatyr. Olardy otandyq kásiporyndardyń alǵany mańyzdy. Ázirge 2 trln teńgege tenderler ótkizildi. Osy protsesti muqııat qadaǵalap, qarajattyń qaıda ketip jatqanyn baqylaýǵa shaqyramyn», - dedi spıker.
