Tótenshe jaǵdaı kezinde azyq-túlik alýǵa sáýirde 5,3 mlrd teńgege jýyq qarjy aýdaryldy

NUR-SULTAN. QazAqparat -Tótenshe jaǵdaı kezinde qazaqstandyqtarǵa azyq-túlik alý úshin sáýir aıynda 5,3 mlrd teńgege jýyq qarjy aýdaryldy, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine jasap.

Aǵymdaǵy jylǵy 6 mamyrdaǵy jaǵdaı boıynsha 960 myń qazaqstandyq jalpy somasy 5,3 mlrd teńgege azyq-túlik jáne turmystyq jıyntyqtary úshin tólem aldy.

Buǵan deıin habarlanǵandaı, Memleket basshysynyń tapsyrmasy boıynsha, tótenshe jaǵdaı kezinde azyq-túlik jáne turmystyq jıyntyqty alýshylardyń tizimi keńeıtildi.

Áleýmettik kómektiń bul túrin kelesi sanattaǵy azamattar alady:

- ataýly áleýmettik kómek alýshylar qataryndaǵy, onyń ishinde kópbalaly otbasylardyń 6 jastan 18 jasqa deıingi balalary;

- medıtsınalyq-áleýmettik mekemelerde turaqty turatyn múgedekterdi qospaǵanda, 16 jasqa deıingi múgedek balalar;

- medıtsınalyq, áleýmettik mekemelerde turaqty turatyn múgedekterdi qospaǵanda, barlyq jastaǵy I, II, III toptaǵy múgedekter;

- múgedek balany tárbıelep otyrǵan tulǵalar;

- jumyspen qamtý máseleleri boıynsha jergilikti organda tirkelgen jumyssyz azamattar.

Atalǵan kómek túrin alýshylardyń tizimin jergilikti atqarýshy organdar tarapy jasaıdy.

Naýryzda 266 myń adam jalpy somasy 1,5 mıllıard teńgeniń tólemine ıe boldy.