Tótenshe jaǵdaı kezinde Aqtóbedegi saýda kesheninen sanaýly mınýtta shyǵý múmkin emes -ІІD
AQTÓBE. QazAqparat -Aqtóbegi eń iri saýda, oıyn-saýyq kesheninde tótenshe jaǵdaı tirkelse, ol jerden sanaýly mınýtta balalardy alyp shyǵý qıyn. Bul týraly aıtqan Aqtóbe oblystyq ІІD ókili Baýyrjan Atabaev, qosymsha baspaldaqtar qarastyrýdy usyndy, dep habarlaıdy QazAqparat tilshisi.
Aqtóbedegi adam kóp shoǵyrlanatyn oryndardyń barlyǵy polıtsııanyń baqylaýynda. Ásirese, bilim berý nysandary men saýda oryndary jylyna bir ret tekseriledi. Oblystyq ІІD jyl basynan beri 14 tekserý júrgizip, birneshe kemshilikti anyqtady. Kóbi -baqylaý kamerasyn qajetti mólsherde ornatpaǵan, isten shyqqan.
«Barlyǵy strategııalyq - 8, asa mańyzdy 14 nysan tekserilip, bárinen kemshilik tabyldy. Al adam kóp shoǵyrlanatyn 79 ǵımarattyń 25-inen kemshilik tabyldy. Terrorıstik turǵydan osal nysan qataryna jatqyzylyp, tekserilgen Marat Ospanov atyndaǵy Batys Qazaqstan memlekettik medıtsınalyq ýnıversıtetine 200 myń teńgeden astam aıyppul salyndy. «ZapKazEnergııa» geologııa ortalyǵy da aıyp tóledi. Qazir Aqtóbe kooperatıvti kolledji men «Vega» saýda úıiniń isi sotqa joldandy. Terrorıstik turǵydan qarasaq, mektepterimiz daıyn emes. Beınebaqylaý kameralary kóbine isten shyqqan. Mektep dırektorlary aqsha joq ekenin aıtady»,- dedi Aqtóbe oblystyq ІІD ókili Baýyrjan Atabaev.
Aıta keteıik, Aqtóbe qalasynda terrorıstik turǵydan osal 432 nysan bar. Onyń 28-i - memlekettik mańyzy bar, 36 - strategııalyq, 5 -óndiristik, 365 halyq kóp shoǵyrlanatyn nysandar.
«Senbi, jeksenbi jəne mereke kúnderi saýda, oıyn-saýyq kesheninde bala kóp júredi. Evakýatsııalaý turǵysynan qaraǵanda sanaýly mınýtta balalardy joǵary qabattan tómen túsirip úlgere almaıtynymyzdy bildik. Sondyqtan saýda keshenindegi kınoteatrdy, jańadan ashylǵan batýt ortalyǵyn baqylaýǵa aldyq. Terrorıstik oqıǵa, órt bolsa balalardy shyǵaryp úlgermeımiz»,- dedi Baýyrjan Atabaev.
