Tótenshe jaǵdaı kezinde 440 myńnan astam almatylyq 42 500 teńge kómek aldy

ALMATY. QazAqparat – Almaty ákimi Baqytjan Saǵyntaev onlaın baspasóz konferentsııasy barysynda tótenshe jaǵdaı men karantın kezinde áleýmettik qoldaýǵa muqtaj qalalyqtarǵa qoldaý kórsetý sharalary týraly aıtty, dep habarlaıdy QazAqparat tilshisi.

Almaty ákiminiń aıtýynsha, Tótenshe jaǵdaı rejımi kezinde 440 myńnan astam almatylyq 42 500 teńge kóleminde qarjylyq kómek aldy. 898 136 ótinish qabyldandy, formatty-logıkalyq baqylaýǵa sáıkes kelmegendikten qalǵan ótinishter qaıtaryldy.

«Kommýnaldyq qyzmetterdi tóleýge 2,1 mlrd teńge bólindi, olardyń 30,4 myńy maquldanyp, 456 mln teńge tólendi. Osy kómekti alý úshin almatylyqtardan 198 myń ótinish tústi. Birinshi kezekte áleýmettik qoldaý múgedekterge, soǵys ardagerlerine, olarǵa teńestirilgen otbasylarǵa, múgedek balany tárbılep otyrǵandarǵa, kópbalaly otbasylarǵa, eń tómen zeınetaqy alatyndarǵa, jalǵyzbasty zeınetkerlerge, sonymen qatar AÁK alatyn azamattarǵa kórsetildi.Osy qıyn sátte qala turǵyndaryna qoǵamdyq qorlar men Nur Otan partııasy aıtarlyqtaı kómek kórsetti, muqtaj jandarǵa azyq-túlik sebetteri taratyldy. «Jańa Alataý» QQ azyq-túlik sebetterin aparyp berdi. «Birgemiz» qory 52,1 myń adamǵa 2,6 mlrd teńgeniń bir retik kómegin kórsetti»,– dedi Almaty ákimi B. Saǵyntaev.

Ákimdik tarapynan 1,9 mlrd teńgege qosymsha áleýmettik kómek kórsetildi. Atap aıtar bolsaq, qart adamdar men jalǵyzbasty zeınetkerlerge ystyq taǵamdar berildi. Áleýmettik jaǵynan muqtaj 7 myń adam jalpy somasy 75 mln teńgege sanıtarlyq zattarmen qamtamasyz etildi, 40 myń adamǵa 2 mln medıtsınalyq maska taratyldy.

Onlaın baspasóz konferentsııasy barysynda B. Saǵyntaev salynyp jatqan ári áleýmettik jaǵynan az qamtylǵan jandarǵa kómek kórsetetin ortalyq týraly da aıtyp ótti.

«Áleýmettik qyzmet úıi – bul «bir tereze» qaǵıdasy boıynsha jumys isteıtin ortalyq jáne atalǵan sanattaǵy adamdarǵa keń kólemde qyzmet kórsetetin bolady. Jobany aǵymdaǵy jyldyń sońynda iske qosý josparlanǵan» – dedi ol.