Tótenshe jaǵdaı kezinde 1,5 myńnan astam adam ákimshilik qamaýǵa alyndy
NUR-SULTAN. QazAqparat - Elimizde tótenshe jaǵdaı rejımin buzǵany úshin 1,5 myńnan astam azamat ákimshilik qamaýǵa alyndy. Bul týraly búgin QR Parlamenti Májilisiniń jalpy otyrysynda Іshki ister mınıstriniń orynbasary ıÝrıı Ilın aıtty, dep habarlaıdy QazAqparat tilshisi.
Otyrys barysynda Májilis depýtaty Sergeı Zvolskıı tótenshe jaǵdaı rejımi aıaqtalyp, al ákimshilik jazany óteý merzimi bitpegen azamattardyń jaǵdaıy ne bolatynyn suraǵan edi.
«Aıtalyq, azamat tótenshe jaǵdaı rejımin buzǵany úshin 15 táýlikke qamaýǵa alynyp, 10 táýligin ótedi. Al tótenshe jaǵdaı alynyp tastaldy. Osyǵan oraı meniń suraǵym bar. Tótenshe jaǵdaı rejımi aıaqtalǵan merzimde ákimshilik jazanyń oryndalý merzimi aıaqtalǵan tulǵalarǵa qatysty 21-baptyń 2-bólimi qalaı áreket etetin bolady? Tótenshe jaǵdaı rejımin buzǵany úshin jaýapkershilikke tartylǵandardyń statıstıkasy qandaı jáne mundaı buzýshylyqtarǵa jol bermeý úshin qandaı sharalar qabyldanyp jatyr?», - dedi depýtat.
Bul saýalǵa jaýap bergen Іshki ister mınıstriniń orynbasary ıÝrıı Ilınniń aıtýynsha, ákimshilik tutqynǵa alý týraly sheshimdi sot shyǵarady jáne jaza óteý merzimi 5-ten 15-táýlikke deıin belgilengen.
«Eger tótenshe jaǵdaı rejımin alyp tastaý týraly sheshim qabyldansa da jaza tolyq ótelýi tıis. Ákimshilik jaza týraly aıtar bolsaq, 1,5 myńnan astam adam ýaqytsha ustaý úshin oqshaýlaǵyshtarǵa qamaldy. 5 myńnan astam adamǵa aıyppul túrinde jaza qoldanyldy», - dedi ol.
