Tótenshe jaǵdaı: Qazaqstandyqtarǵa aýlada qydyrýǵa, saıajaıǵa barýǵa ruqsat
NUR-SULTAN. QazAqparat – Óńirlik ákimderge aýla alańdary men saıajaı alqaptarynyń halyqqa qoljetimdiligin qamtamasyz etý tapsyryldy. Bul týraly QR Premer-Mınıstri Asqar Mamınniń tóraǵalyǵymen ótken QR Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııanyń kezekti otyrysynda aıtyldy, dep habarlaıdy QazAqparat.
Oblystardyń, sondaı-aq Nur-Sultan, Almaty jáne Shymkent qalalarynyń ákimderine bıylǵy 27 sáýirden bastap óńirlik shtabtar ázirlegen erejelerge sáıkes aýla alańdary men saıajaı alqaptarynyń halyqqa qoljetimdiligin qamtamasyz etý tapsyryldy.
«Ákimderge qoǵamdyq oryndardy, ónerkásiptik aýmaqtardy, áýejaılar men balalardyń aýladaǵy oıyn alańdaryn sapaly túrde sanıtarlyq óńdeýge, jalpy, sanıtarlyq-epıdemıologııalyq talaptardy qatań saqtap, oǵan baqylaý ornatýǵa erekshe kóńil bólýdi tapsyramyn », — dedi A. Mamın.
Sonymen qatar, otyrysqa qatysýshylar qazaqstandyqtardy shet elderden elge jetkizý, HQKO-lar jumysynyń jańa formatyn engizý jáne t. b. máselelerdi qarastyrdy.
