Tótenshe jaǵdaı: Qazaqstan aýmaǵyna kóliktiń barlyq túrin kirgizýge tyıym salyndy
NUR-SULTAN. QazAqparat – Qazaqstan Respýblıkasyna keletin halyqaralyq uıymdar delegatsııalarynyń múshelerin qospaǵanda el aýmaǵyna kóliktiń barlyq túrlerimen kirýge, sondaı-aq onyń aýmaǵynan shyǵýǵa shekteýler belgilendi, dep habarlaıdy QazAqparat tilshisi.
«Karantın engizilsin. Sanıtarııalyq-epıdemııaǵa qarsy aýqymdy is-sharalardy, onyń ishinde Qazaqstan Respýblıkasy Qorǵanys mınıstrliginiń jáne ishki ister organdarynyń halyqtyń sanıtarııalyq-epıdemıologııalyq salamattylyǵy salasyndaǵy qyzmetti júzege asyratyn qurylymdyq bólimsheleriniń qatysýymen júzege asyrsyn. Oıyn-saýyq, sporttyq jáne basqa da buqaralyq is-sharalardy, sondaı-aq otbasylyq, salt-dástúr is-sharalaryn ótkizýge tyıym salynsyn», - delingen Prezıdenttiń Jarlyǵynda.
Sondaı-aq, Jarlyqqa sáıkes Qazaqstan Respýblıkasynyń jáne shet memleketterdiń dıplomatııalyq qyzmetiniń personalyn, sondaı-aq Qazaqstan Respýblıkasy Syrtqy ister mınıstrliginiń shaqyrýymen Qazaqstan Respýblıkasyna keletin halyqaralyq uıymdar delegatsııalarynyń múshelerin qospaǵanda, Qazaqstan Respýblıkasynyń aýmaǵyna kóliktiń barlyq túrlerimen kirýge, sondaı-aq onyń aýmaǵynan shyǵýǵa shekteýler belgilendi.
