Tótenshe jaǵdaı: Qaraǵandylyq kásipkerler óńirlerge kómek kórsetý úshin qor quryp jatyr

QARAǴANDY. QazAqparat – Qaraǵandy oblysynyń kásipkerleri jappaı tártipsizdikten shyǵynǵa ushyraǵan kásipkerlerge kómektesýge ázir. Qurylys materıaldary men azyq-túlikti bir qorǵa jınap, Almaty jáne ózge de qalalarǵa jóneltpek, dep habarlaıdy QazAqparat tilshisi.

Qaraǵandy oblysynyń kásipkerleri qurylys materıaldary men azyq-túlikti ǵana emes, kerek bolsa jumyskerlerdi de jiberýge daıyn. Bul maqsatta arnaıy qor qurylyp jatyr. Qazirgi ýaqytta kásipkerler osy nıetterin júzege asyrý úshin aımaq basshylyǵymen kelissózder júrgizýde.

«Qazir tek Almaty qalasynda ǵana emes, sonymen qatar basqa da oblystarda zardap shekken adamdar bar jáne óz tarapynan qaraǵandylyqtardyń atynan kómek kórsetýge daıyn bolý úshin qor quryp, qarjy jınaýda. Tek qurylys materıaldarymen ǵana emes, sonymen qatar azyq-túlik jáne qarjy jiberemiz. Sondaı-aq Qaraǵandy oblysynyń perımetri boıynsha blokpostar salynǵan. Kásipkerler olarǵa ystyq tamaq bergisi keldi. Biraq polıtsııa men áskerılerge ol qajet emes eken. Bul turǵyda olarda bári jaqsy», - deıdi Qaraǵandy oblysy boıynsha Qazaqstan kásipkerler qaýymdastyǵynyń basshysy Ermek Ábildın.

Qaraǵandylyqtar Ońtústik óńirge materıaldyq kómek qana jibermeıdi, olar tártipsizdik kezinde zardap shekkenderge qan tapsyrǵan.

«Biz qan tapsyrdyq. Biz óz otandastarymyz úshin qolymyzdan kelgen kómekti isteımáz. Bul máselede kóbi qýana kelisim berdi», - dep qosty Ermek Ábildın.

Jappaı tártipsizdikten Almaty ǵana emes, elimizdiń 9 óńiri zardap shekti. Jergilikti bılik ǵımarttary qırap, kásipkerler shyǵynǵa batty. Al QR Іshki ister mınıstrliginiń dereginshe ustalǵandardyń sany 10 myńǵa jýyqtapty.