Tótenshe jaǵdaı: Elimizde 8 myńnan astam polıtseı qoǵamdyq tártipti kúzetýde
NUR-SULTAN. QazAqparat – QR Іshki ister mınıstri Erlan Turǵymbaev elimizde tótenshe jaǵdaıda ǵy polıtseıler jumysy týraly aıtyp berdi, dep habarlaıdy QazAqparat tilshisi.
«Іshki ister organdarynyń jeke quramy qyzmet atqarýdyń erekshe rejımine kóshti. Іshki ister organdarynyń negizgi mindeti – azamattardyń qaýipsizdigin qamtamasyz etý. Qoǵamdyq tártipti saqtaýǵa 8 myńnan astam qyzmetker jáne Ulttyq ulannyń 4 myń qyzmetkeri shyqty. Asa mańyzdy memlekettik jáne strategııalyq nysandardy kúzetý qatań baqylaýǵa alyndy», - dedi mınıstr «Habar 24» telearnasyndaǵy úndeýde.
Onyń aıtýynsha, patrýlder sany kóbeıtilip, qoǵamdyq tártipti qamtamasyz etý kúsheıtildi.
«Medıtsınalyq qyzmetkerlermen birge, aýrý kúdigi bar azamattardy anyqtaý sharalary qabyldanyp jatyr. Sonymen birge, koronavırýs ınfektsııasyna qarsy is-qımyl boıynsha ІІM jedel shtaby quryldy», - dedi mınıstr.
Aıta keteıik, Qazaqstanda koronavırýs ınfektsııasyn juqtyrǵandardyń sany 32-ge jetti: Almatyda - 15 adam, elordada – 17 adam.
19 naýryzdan bastap Nur-Sultan jáne Almaty qalalarynda karantın rejımi engiziledi.
