Tótenshe jaǵdaı: Azyq-túlik dúkenderi men bazarlar jumysyn toqtata ma
NUR-SULTAN. QazAqparat – Qazaqstan Respýblıkasynda tótenshe jaǵdaıdyń jarııalanýyna baılanysty azyq-túlik dúkenderi men bazarlar jumysyn toqtata ma? Bul suraqqa Saýda jáne ıntegratsııa mınıstrligi jaýap berdi, dep habarlaıdy QazAqparat tilshisi.
«Qazaqstan Respýblıkasynyń Saýda jáne ıntegratsııa mınıstrligi respýblıkada tótenshe jaǵdaı jarııalansa da azyq-túlik marketteri men bazarlar jumysyn jalǵastyra beretinin habarlaıdy. Qazaqstan Prezızenti Qasym-Jomart Toqaevtyń tótenshe jaǵdaı engizýi týraly Jarlyǵynda aıtylǵandaı, iri saýda saýda nysandarynyń qyzmeti shekteledi. Halyq kóp jınalatyn saýda-oıyn-saýyq ortalyqtarynyń jumysy ýaqytsha toqtatylady. Azyq-túlik dúkenderi de, basqa da shaǵyn dúkender, saýda-oıyn-saýyq ortalyqtarynan tys ornalasqan ózge de shaǵyn jáne orta bıznes nysandary ıesiniń qalaýyna qaraı jumysyn jalǵastyra alady», - dep habarlady mınıstrlikten.
Aıta ketsek búgin Qazaqstan Respýblıkasynda tótenshe jaǵdaı engizildi. Bul týraly Jarlyqqa QR Prezıdenti qol qoıdy.
Jarlyqqa sáıkes oıyn-saýyq ortalyqtarynyń, kınoteatrlar men teatrlardyń jumysy toqtatylyp, Qazaqstan Respýblıkasyna keletin halyqaralyq uıymdar delegatsııalarynyń múshelerin qospaǵanda el aýmaǵyna kóliktiń barlyq túrlerimen kirýge, sondaı-aq onyń aýmaǵynan shyǵýǵa shekteýler belgilendi.
