Tótenshe órt qaýpi: aýa raıyna baılanysty birqatar óńirde eskertý jarııalandy

ASTANA. KAZINFORM – Qazgıdromet 8 qazanda elimizdiń birqatar óńirinde daýyldy eskertý jarııalady.

Sınoptıkterdiń boljamy boıynsha, 8 qazanda Atyraý oblysynyń soltústiginde, ońtústiginde, shyǵysynda tótenshe órt qaýpi, oblystyń soltústik-shyǵysynda joǵary órt qaýpi saqtalady. Atyraýda 8 qazanda tótenshe órt qaýpi bar.

Astanada 8 qazanda túnde jáne tańerteń tuman túsedi.

Jambyl oblysynyń taýly aýdandarynda tuman bolady. Oblystyń soltústik-shyǵysynda, taýly aýdandarynda soltústik-shyǵystan soqqan jeldiń ekpini 15-20 m/s. Túnde oblystyń batysynda, soltústiginde, ońtústiginde, taýly aýdandarynda synap baǵany 1-3 gradýs sýyqty kórsetip, úsik júredi dep boljanady. Oblystyń batysynda, soltústiginde tótenshe órt qaýpi, oblystyń ortalyǵynda joǵary órt qaýpi saqtalady. Tarazda 8 qazanda túnde topyraq beti qatyp, 2 gradýs sýyq bolady.

Kúndiz Qyzylorda oblysynyń ortalyǵynda, shyǵysynda shańdy daýyl turyp, soltústik-shyǵystan soqqan jeldiń ekpini 15-20 m/s bolady. Tótenshe órt qaýpi saqtalady. Qyzylordada 8 qazanda kúndiz shańdy daýyl turady, soltústik-shyǵystan soqqan jeldiń ekpini 15-20 m/s bolady.

Ulytaý oblysynyń shyǵysynda joǵary órt qaýpi, oblystyń ońtústiginde tótenshe órt qaýpi saqtalady.

Kúndiz Mańǵystaý oblysynyń ońtústiginde, ortalyǵynda shańdy daýyl turady, shyǵystan, ońtústik-shyǵystan jel soǵady, ekpini - 15-18 m/s. Oblysta joǵary órt qaýpi kútiledi. Aqtaýda 8 qazanda joǵary órt qaýpi saqtalady.

Túnde jáne tańerteń Qaraǵandy oblysynyń soltústiginde, shyǵysynda tuman bolady. Qaraǵandyda 8 qazanda túnde jáne tańerteń tuman túsedi.

Túnde jáne tańerteń Batys Qazaqstan oblysynyń batysynda, soltústiginde tuman túsedi. Oblystyń batysynda, soltústiginde, ortalyǵynda joǵary órt qaýpi, oblystyń soltústik-batysynda, ońtústiginde, ońtústik-shyǵysynda tótenshe órt qaýpi saqtalady. Oralda 8 qazanda túnde jáne tańerteń tuman bolady. Joǵary órt qaýpi saqtalady.

Túnde jáne tańerteń Shyǵys Qazaqstan oblysynyń soltústiginde tuman túsedi.

Túnde jáne tańerteń Soltústik Qazaqstan oblysynyń batysynda tuman bolady.

8-9 qazanda Jetisý oblysynda túnde synap baǵany 1-6 gradýs sýyqty kórsetip, úsik júredi dep boljanady. Taldyqorǵanda 8-9 qazanda túnde synap baǵany 3-5 gradýs sýyqty kórsetip, úsik júredi.

Túnde jáne tańerteń Aqmola oblysynyń soltústiginde, shyǵysynda tuman bolady.

Túnde Almaty oblysynda synap baǵany 1-6 gradýs sýyqty kórsetip, úsik júredi dep boljanady. Oblystyń soltústiginde tótenshe órt qaýpi saqtalady.

Túrkistan oblysynda shyǵystan jel soǵady, oblystyń taý asýlarynda soqqan jeldiń ekpini 15-20 m/s bolady.

Aıta keteıik, ShQO-daǵy Marqakóldiń keı jerlerinde qar qalyńdyǵy 15 sm-ge jetti.