Total -dyń haı-tek tehnologııalary Qazaqstannyń qyzyǵýshylyǵyn týdyrýy múmkin -Jıl Perro
TANA. 5 qazan. QazAqparat - KAZENERGY VI Eýrazııalyq Forýmynyń aıasynda «Total Gaz jáne Energetıka» kompanııasynyń Kún fotoelektrıka boıynsha jobasynyń jetekshisi Jıl Perro pm.kz saıtyna arnaıy suhbat berdi.
- Energoresýrstardyń - gaz, munaı jáne kómir qorlarynyń shekteýli bolýyna baılanysty, energııanyń orny tolatyn kózderin ıgerýmáselesialdyńǵyqatarǵashyǵypotyr. Sizdiń kompanııańyz osy baǵytta kóshbasshy rol atqarady. Qalaı oılaısyz, Qazaqstanda kún energetıkasynyń keleshegi bar ma?
- Qazaqstandyq gelıoenergetıkanyń bolashaǵy bar, oǵan kúmán joq. Birinshiden, sizderdiń elderińizdiń geografııalyq ornalasý jaǵdaıy yńǵaıly, kún raıy ashyq, bul mańyzdy másele. Ekinshiden, Qazaqstannyń aýmaǵy úlken jáne kún, jel sııaqty tabıǵı energııa kózderin damytýǵa múmkindik bar. Úshinshiden, elektr jelileri tartylmaǵan jerler de bar. Sondyqtan, gelıoenergetıka eldiń barlyq óńiriniń elektr qýatyna qoljetimdiligin qamtamasyz etýdiń eń únemdi tásili bolyp tabylady. Jáne sizderdegideı kún shýaǵy mol elde gelıoenergetıkany damytý bolashaq urpaq úshin qorshaǵan ortany saqtap qalýǵa múmkindik beredi.
- Gelıoenergetıkany damytý salasynda Qazaqstan men Total kompanııasynyń yntymaqtastyq perspektıvasy bar ma?
- Total kompanııasy Qazaqstanmen yntymaqtastyq ornatýǵa múddeli. Ol úshin munda múmkindik mol dep oılaımyn. Elderińizde kremnııdiń jaqsy qory bar. Múmkin, biz sizderge kremnıı shıkizatyn tazartý boıynsha ındýstrııany damytýǵa kómektese alar edik. Total sondaı-aq, kún jáne organıkalyq fotoelektrıkalyq energetıka salasyndaǵy haı-tek tehnologııalarǵa ıe, osy tehnologııalar qazaqstandyq zertteý ınstıtýttarynyń qyzyǵýshylyǵyn aýdarýy ábden múmkin.
