Total basshysy qaza tapqan is boıynsha aıyp taǵyldy
ASTANA. QazAqparat - Vnýkovo áýejaıynda taǵylymdamadan ótip júrgen dıspetcher Svetlana Krıvsýn áýe apaty týraly iste aıypty dep tanyldy, qaıǵyly oqıǵa saldarynan Total munaı kontserniniń basshysy Krıstof de Marjerı men Falcon ushaǵy ekıpajynyń úsh múshesi qaza tapqan bolatyn, dep habarlady Bı-Bı-Sı.
21 qazanda túnde Total basshysynyń bıznes-djeti qonbaqshy bolǵan sátte ushý-qoný jolaǵynda turǵan qar jınaıtyn kólikke soqtyǵysqan.
Krıvsýnǵa «abaısyzda eki nemese odan kóp adamnyń ólimine ákelgen áýe kóligi qozǵalysy men ony paıdalaný qaǵıdasyn buzǵany» úshin aıyp taǵylýda.
Bul bap 7 jyl bas bostandyǵynan aıyrýdy kózdeıdi. S. Krıvsýn qazir úıqamaqta otyr.
«Qylmystyq isti tergeý jalǵasýda», - dep málimdedi RTK resmı ókili Vladımır Markın.
Qazirgi ýaqytta apatqa qatysty iste bas adam tergelýde: Svetlana Krıvsýnnan basqa áýejaıdyń aerodrom qyzmetiniń jetekshisi Vladımır Ledenev, ushyrylym basshysy Vladımır Ledenev, dıspetcher Aleksandr Krýglov, qar jınaıtyn mashına júrgizýshisi Vladımır Martynenko (is boıynsha alǵashqy tutqyndalǵan).
24 qazanda Basman soty 21 jeltoqsanǵa deıin Krýglov men Ledenev, Dýnaev jáne Krıvsýndy tutqyndap, sol merzimge deıin úıqamaqa jiberdi.
Tergeýde apat oryn alǵan kúni Lebenov qar jınaý jumystaryn, Dýnaev, Krıvsýn jáne Krýglov áýe qozǵalysyn basqarǵany aıtylady.
Olardyń barlyǵy qaıǵyly jaǵdaıǵa ákelgen ushý jáne jerge qoný qaýipsizdigi talaptaryn saqtaýdy qamtamasyz etpegeni úshin kúdiktelýde.
