Tosyn jaıt boldy – Maııa Bekbaeva «Qurmet» ordeni jaıly

Tanymal telejúrgizýshi Maııa Bekbaeva Memleket basshysy Qasym-Jomart Toqaevtyń qolynan «Qurmet» ordenin aldy, dep habarlaıdy Kazinform.

«Prezıdent qolynan osynaý nagradany alý zor ǵanıbet ári óte tolǵanysqa túsirer sát ekeni sózsiz. «Qurmet» ordeni – bul tek meniń ǵana emes, búkil Prezıdent teleradıokesheni men Jibek joly» telearnasy ujymynyń nagradasy. Sońǵy ýaqytta biz tarıhymyzǵa qatysty jobalardy birge júzege asyryp jatyrmyz. Názir Tórequlov jaıly sońǵy fılmim de Prezıdent Teleradıokeshenimen birge túsirildi. Men óz komandam úshin qýanyshtymyn ári maqtanamyn. Jańa jeńister men jetistikterge birge jeteıik», - dedi ol Aqordada ótken marapattaý rásiminen keıin.

Onyń atap ótýinshe, mundaı nagrada shyǵarmashylyq adamyna mol shabyt beredi.

«Seniń eńbegińdi baıqap, baǵalaǵanyn túsinesiń. Árıne, sodan keıin qoǵamǵa, elińe paıdalany qyzyqty dúnıeler jasap, naǵyz sapaly kontent túsirgiń keledi. Búgin tosyn jaıt boldy. Óıtkeni, sońǵy 7 jyl boıy tarıhı jobalar jasap kele jatyrmyn jáne búgin ǵana marapatqa ıe boldym. Qońyraý shalǵan sátte Semeıde túsirilimde júrgen edim. Birden jınalyp, kelip otyrmyn», - dedi Maııa Bekbaeva.