Toshiba korporatsııasynyń basshysy otstavkaǵa ketedi
ASTANA. QazAqparat - Japondyq Toshiba korporatsııasynyń prezıdenti Hısao Tanaka qarjyǵa qatysty janjaldyń jaýapkershiligin ózine alyp, otstavkaǵa ketýge nıetti. Bul týraly Kyodo habarlady.
Osy aptada táýelsiz aýdıttiń aldyn ala nátıjeleri ázir boldy. Onyń barysynda sońǵy jyldardaǵy kompanııa qyzmeti tekserildi. Toshiba qyzmetkerleri kompanııanyń top-menedjerleriniń qysymymen kiris týraly jalǵan esep berýi múmkin ekendigi atap ótiledi, olar osylaısha korporatsııanyń tabysty ósimin kórsetýge tyrysqan. Sońǵy jyldary fırma basshylyǵy aı saıynǵy jıynda keıbir bólimsheler men enshiles kompanııalarǵa qalaı bolǵanda da korporatsııa josparyn oryndaý kerektigin aıtyp qysym kórsetken, osy jaǵdaı tabys salyǵyna jappaı jalǵan esep engizýge sebep bolýy múmkin. Tekserý 21 shildede aıaqtalady. Sońǵy bes jylda Toshiba-nyń tabysyn asyryp kórsetýiniń jalpy kólemi 200 mlrd. ıendi ($1,6 mlrd.-qa jýyq) qurady.
