Tósek jabdyqtary eski, emi aqyly: Almaty turǵyny №7 aýrýhanaǵa shaǵymdandy

ALMATY. KAZINFORM – Almaty turǵyny qala ákimi Erbolat Dosaevtan № 7 qalalyq klınıkalyq aýrýhanaǵa shaǵymdanyp, tekserý júrgizýin surady.

Erbolat Dosaevtyń Naýryzbaı aýdany turǵyndarymen kezdesýi barysynda almatylyq áıel №7 qalalyq klınıkalyq aýrýhanasynyń tósek jabdyqtary kóne, keıbir qyzmeti aqyly ekenin aıtty.

«Qalqamandaǵy № 7 aýrýhanaǵa qatysty ótinishim bar. Keńes zamanynan beri jumys istep kele jatqan aýrýhananyń palatalary eski, tósek jabdyqtary tozyp ketken. Soǵan bir jańashyrlyq tanytyp, tekserý júrgizseńiz. Sondaı-aq kóp em-domy aqyly»,- deıdi aýdan turǵyny.

Almaty qalalyq densaýlyq saqtaý basqarmasynyń basshysy Iran Shametekovtyń aıtýynsha, aýrýhanaǵa jóndeý jumystaryn júrgizý josparda.

«Osy jyldyń sáýir aıynda №7 qalalyq klınıkalyq aýrýhanasyna jóndeý jumystaryn júrgizý úshin jobalyq-smetalyq qujattama ázir bolady. Sosyn aýrýhanada jóndeý jumystary bastalady. Emdeý mekemesinde qyzmet tegin kórsetiledi. Eger qyzmet MÁMS aıasyndaǵy tegin medıtsınalyq kómekke jatpasa, onda aqyly bolady»,- dep jaýap berdi basqarma basshysy.