Tórtinshi synyptyń eki oqýshysy Malaızııadaǵy halyqaralyq mektep grantyn jeńip aldy

QONAEV. KAZINFORM – Talǵar qalasyndaǵy №7 mektep-lıtseıiniń 4-synyp oqýshylary Ańsar Sarqytbek pen Aısha Nazar halyqaralyq grant ıegeri atandy.

Olar Malaızııanyń Kýala-Lýmpýr qalasynda Cambridge baǵdarlamasy boıynsha bilim beretin halyqaralyq mekteptiń grantyn jeńip aldy.

Almaty oblysy ákimdiginiń málimetinshe, testileý kezinde Ańsar Sarqytbek pen Aısha Nazar joǵary deńgeıdegi daıyndyqtaryn kórsetken. Halyqaralyq grant ıegerleri 2026 jyldyń 5 qańtarynan bastap 4-synyptyń ekinshi jartyjyldyǵyn Malaızııadaǵy halyqaralyq mektepte jalǵastyratyn bolady. Oqýshylardyń oqý aqysy tolyq kólemde tólengen.

- Qýanyshty jańalyqty mektep ujymy ystyq yqylaspen qabyldap, oqýshylar men olardyń ustazdaryn quttyqtady. Shetelde bilim alý jas daryndar úshin bolashaqtaǵy jetistikterge bastar mańyzdy qadam bolyp, jańa halyqaralyq múmkindikterge jol ashady, - dep habarlady ákimdikten.

Eske salaıyq, bıyl almatylyq oqýshy Arman Sabyrjan álemniń eń bedeldi oqý orny – Garvard ýnıversıtetiniń bilim grantyn jeńip aldy.