Tórtinshi munaı óńdeý zaýyty Ulytaý oblysynda salynýy múmkin

ASTANA. KAZINFORM — Elimizdegi tórtinshi munaı óńdeý zaýyty Ulytaý oblysynda salynýy múmkin. Bul týraly Energetıka vıtse-mınıstri Qaıyrhan Tutqyshbaev aıtty.

Iá, shyndyǵynda mundaı tapsyrma bar. Qazir asa qajet te. Óıtkeni, bizde tutyný kólemi artyp keledi. Búginde atalǵan zaýytty salýdyń birneshe nusqasy qarastyrylyp jatyr. Ulytaý oblysynda salynýy yqtımal. Sarapshylyq qaýymdastyq tıisti esepteýler júrgizip jatyr. Sondyqtan da tehnıkalyq mán-jaıy, sıpattamamasy, ornalasatyn orny naqtylanǵannan keıin qosymsha habarlanady, - dedi vıtse-mınıstr Májilistiń jalpy otyrysynan keıin.

Onyń atap ótýinshe, zaýytty qandaı qarajat esebinen salý máselesi de pysyqtalyp jatyr.

- Keshe Prezıdent ınvestıtsııa tartý máselesine qatysty tapsyrma berdi. Aldyn ala derekke sáıkes, bul nysan salynǵan jaǵdaıda jylyna 10 mln tonna munaı óńdeıtin bolady, - dedi Qaıyrhan Tutqyshbaev.

Osyǵan deıin gaz taratý kompanııalarynyń gaz qubyryna tikeleı qosylýy zańnamalyq turǵyda bekitiletini týraly jazdyq.