Tórtinshi toqsanda elimizdegi oqýshylar radıo jáne poshta arqyly sabaq oqıdy
NUR-SULTAN. QazAqparat – Teledıdary joq oqýshylar radıony qosymsha qural retinde qoldana alady. Bul týraly Ortalyq kommýnıkatsııalar qyzmetiniń alańynda ótken mektep oqýshylarynyń ІV toqsanda qashyqtan oqý júıesine arnalǵan onlaın konferentsııada aıtyldy, dep habarlaıdy QazAqparat tilshisi.
«Oqýshylardy qashyqtan oqytýyń ekinshi tetigi – radıo. «Qazaq radıosy» arqyly bul mehanızmdi qosymsha qural retinde iske asyramyz. Aýdıo sabaqtardy «Qazaq radıosyna» berip jatyrmyz. Osy radıony teledıdary joq oqýshylar qosymsha qural retinde qoldana alady. Radıo arqyly sabaq oqıtyndaı múmkindik jasap otyrmyz», - deıdi QR Bilim jáne ǵylym mınıstri Ashat Aımaǵambetov.
Onyń aıtýynsha, oqýshylardy qashyqtan oqytýdyń úshinshi tetigi – poshta.
«Qazposhta» AQ-men kelisimge qol qoıdyq. Elimiz boıynsha mektebi joq eldi mekender bar. Ondaı eldi mekender sany – 1 200-ge jýyq. Ondaı jerlerde ary ketse 5-7 oqýshy bar. Ol balalar basqa eldi mekenderge barý arqyly sabaq oqıtyn. Osy balalardy sabaq oqytýmen qamtý poshta arqyly júzege asady. Internet arqyly oqıtyn balalar da keri baılanys ornatý úshin poshta qyzmetin qoldanýǵa múmkindikteri bar», - deıdi ol.
