Tórtinshi repatrıatsııalyq reıs Atyraý áýejaıynan Katovıtsege ushty

NUR-CULTAN. QazAqparat – Tórtinshi repatrıatsııalyq reıs Qazaqstan azamattaryn ákelý úshin Atyraý qalasyndaǵy áýejaıdan Katovıtsege Nur-Sultan ýaqyty boıynsha saǵat 16:02-de ushty.

Bul týraly QazAqparat Azamattyq avıatsııa komıtetine silteme jasap habarlaıdy.

Áýe kemesi Katovıtsege jergilikti ýaqyt boıynsha saǵat 16:26-da jetýi tıis.

Buǵan deıin habarlanǵandaı, «Air Astana» áýe kompanııasynyń úsh evakýatsııalyq ushaǵymen Qazaqstanǵa 432 adam oraldy. Qazaqstandyq dıplomattar atalǵan memleketterdiń shekarasyn kesip ótýin, azamattardy jınap, ornalastyrdy, sondaı-aq olardy Qazaqstanǵa jóneltýdi qamtamasyz etip jatyr.

Aıta keteıik, buǵan deıin Ýkraınadan shyqqan otandastarymyz Eýropalyq odaq aýmaǵynda qalmaqshy bolǵan. Prezıdent dıplomattardy Ýkraınadan qazaqstandyqtardy evakýatsııalaǵany úshin marapattaýdy tapsyrdy.