Tórtinshi munaı óńdeý zaýytynyń qurylysy máselesi tyńǵylyqty pysyqtalýda - Serik Ahmetov

ASTANA. QazAqparat - Búgin «QazMunaıGaz» kompanııasynyń keńeıtilgen alqa májilisinde Premer-Mınıstr Serik Ahmetov elimizdegi munaı óńdeý zaýyttaryn jańǵyrtý jumystaryn tyńǵylyqty atqarýdy tapsyrdy.

«Memleket basshysy tórtinshi munaı óńdeý zaýytynyń qurylysy múmkindigin qarastyrý maqsatyn qoıǵany belgili. Biz osy máseleni qazirgi kezde tyńǵylyqty zerdeleýdemiz, osy oraıda «QazMunaıGaz» kompanııasy QR Munaı jáne gaz mınıstrligimen birlese otyryp, tıisti usynys jasaıdy degen tujyrymdamyz», - dedi S.Ahmetov.

Osy oraıda Úkimet basshysy qazirgi kezde elimizde qoldanystaǵy úsh munaı óńdeý zaýyttaryn jańǵyrtý jumystary aıaqtalǵannan soń, ıaǵnı 2016 jyldan keıin birneshe jyldar boıy Qazaqstanda munaı ónimderiniń tapshylyǵy bolmaıtynyn, alaıda keıinnen bul másele týyndaýy múmkin ekenin atap ótti.

Esterińizge sala keteıik, Elbasy Qazaqstan halqyna jyl saıynǵy dástúrli Joldaýynda 2014 jyldyń 1 toqsanynyń sońyna deıin Úkimet 4-shi munaı óńdeý zaýyty men atom stansasy qurylysynyń merzimin anyqtaýy tıis ekenin tapsyrǵan bolatyn.