Tórtinshi munaı óńdeý zaýytyn salǵansha Shymkenttegi kásiporyndy keńeıtý tıimdi – Bolat Aqsholaqov

NUR-SULTAN. QazAqparat –QR Energetıka mınıstri Bolat Aqsholaqovtyń paıymynsha, elimizde tórtinshi munaı óńdeý zaýytyn salǵansha Shymkenttegi kásiporyndy keńeıtý tıimdi, dep habarlaıdy QazAqparat tilshisi.

«Jyl saıyn janarmaı tapshylyǵyn joıý úshin syrttan ónim tasymaldaǵansha, tórtinshi munaı óńdeý zaýytyn nege salmasqa?»,- dep surady BAQ ókilderi mınıstrden ortalyq kommýnıkatsııalar qyzmetinde.

Bolat Aqsholaqovtyń aıtýynsha, jańa zaýyt salý dál qazir Qazaqstanǵa tıimsiz.

«Tórtinshi munaı óńdeý zaýytyn salý máselesi árdaıym ózekti. Jyl basynda, alǵashqy jartyjyldyqta bul máseleni qyzý talqyladyq. Qazir Shymkent munaı óńdeý zaýytynyń óndiris qýatyn keńeıtýdi «QazMunaıGaz» kompanııasymen birge egjeı-tegjeıli taldap jatyrmyz. Bul týraly talaı aıttyq ta. Óıtkeni Shymkent zaýytynyń qýaty kezinde 12 mln tonnaǵa deıin jetedi dep josparlanǵan bolatyn», - dediBolat Aqsholaqov.

Aıtýynsha, atalǵan zaýyttyń aýmaǵy da, jalpy zaýyt sharýashylyǵy da osynsha kólemge deıin ulǵaıtýǵa múmkindik beredi.

«Biraq janarmaı naryǵynda teńgerim saqtaý mańyzdy ekenin eskersek, árdaıym eksportqa qajet artylǵan kólem bolýy úshin 5-10 mln tonnalyq jańa zaýyt salýymyzkerek. Ol úshin munaı ónimin ótkizý problemasy týyndaıdy. Jaqyn aýmaqtaǵy naryqta ondaı kólemde ónim eksporttaýǵa qajet syıymdylyq joq. Sondyqtan tórtinshi zaýyt salý degendi biz Shymkenttegi munaı óńdeý zaýytyn keńeıtý dep túsinemiz. Birinshi kezekte bul zaýyttyń qýatyn 2-3 mln tonna ulǵaıtý kózdelip otyr. ıAǵnı, qazir qýaty 6 mln tonna bolsa, 9 mln tonnaǵa deıin kóterý josparlanǵan. Ol úshin áriptesterimizben kelissóz júrip jatyr. Bul - ýaqyttyń enshisindegi sharýa», -dedi mınıstr.

Foto: ortcom.kz