Tórt jylda 1,4 mln. sharshy metr jalǵa beriletin turǵyn úı salynady

ASTANA. QazAqparat - Tórt jylda 1,4 mln. sharshy metr jalǵa beriletin turǵyn úı salynady. Bul týraly búgin Ortalyq kommýnıkatsııalar qyzmetinde «Nurly jol» baǵdarlamasyn iske asyrý máselesine arnalǵan brıfıngte QR Ulttyq ekonomıka mınıstriniń birinshi orynbasary Marat Qusaıynov málim etti.

«Turǵyn úı ınfraqurylymyn nyǵaıtý jáne halyqtyń turǵyn úıge qajettiligin qamtamasyz etý maqsatynda Óńirlerdi damytýdyń 2020 jylǵa deıingi baǵdarlamasy sheńberinde, jalǵa beriletin turǵyn úı qurylysynyń kólemi ulǵaıtylady. Turǵyn úı ınfraqurylymyn qoldaýǵa bólinetin Ulttyq qor qarajaty esebinen 2015-2016 jyldary qarjylandyrýdyń jalpy kólemi 110 mlrd. teńgeni quraıdy»,- dedi M.Qusaıynov.

Jalpy, «QIK» IU» AQ jelisi boıynsha keıinnen jalǵa berý úshin turǵyn úı nysandaryn salýdy jáne satyp alýdy barlyq kózderden qarjylandyrý 250 mlrd. teńgeni quraıdy.

«Nátıjesinde 2015-2019 jyldary 1,4 mln. sharshy metr jalǵa beriletin turǵyn úı salynady», - dep atap ótti ol.