Tórt jumysshy ýly gazdan mert bolýy múmkin – SQO polıtsııasy
SQO polıtsııa departamenti baspasóz qyzmetiniń málimetinshe, 1 tamyz kúngi saǵat 23:25-te SQO Taıynsha aýdanynyń polıtsııa bólimine Novoıvanovka aýylynda ornalasqan shoshqa ósirý keshenindegi jumys ornynan aýysym aıaqtalǵan soń tórt jumysshy shyqpaǵandyǵy týraly habar túsken.
Іzdestirý sharalary barysynda olardyń deneleri osy keshendegi káriz qudyǵynyń túbinen tabyldy. Aldyn ala anyqtalǵandaı, 1966, 1991, 1995 jáne 2000 jyldary týǵan jumysshylar káriz qudyǵyn tazalaý kezinde ıisten ýlanǵan. Olardyń deneleri sot-medıtsınalyq saraptamaǵa jiberildi.
Atalǵan fakti «Eńbekti qorǵaý qaǵıdalaryn buzý» boıynsha Sotqa deıingi tergep-tekserýlerdiń biryńǵaı tizilimine tirkeldi. Saraptamalar taǵaıyndaldy.
Іstiń barlyq mán-jaıyn zerdeleýge baǵyttalǵan tergeý áreketteri júrgizilýde, olardyń nátıjeleri boıynsha túpkilikti protsestik sheshim qabyldanatyn bolady.
Buǵan deıin oqıǵa ornyna SQO ákimi Aıdarbek Saparov, SQO ákiminiń birinshi orynbasary Marat Tasmaǵanbetov, Taıynsha aýdanynyń prokýrory Ǵalymjan Áýbákirov pen Polıtsııa departamentiniń bastyǵy Aıdyn Qabduldınov baryp, jaǵdaıdy baqylaýǵa alǵanyn aıtqan edik. Óńir basshysy qaza tapqan jumysshylardyń otbasylaryna baryp, kóńil aıtty.
