Tórt jylda bir keletin «Kibiseni» bilesiz be
ASTANA. KAZINFORM — Qoldanystaǵy kúntizbe boıynsha bıylǵy 2024 jyl kibise bop esepteledi. Bul — osy jyldaǵy táýlik sany jyldaǵydan bir kúnge artyq degen sóz. Tórt jylda aınalyp keletin artyq kúndi qys pen kóktemniń túıiser tusy — aqpannyń sońyna kirgizip qoıǵan. ıAǵnı árbir tórtinshi jyl 366 kúndi dóńgelekteıdi. Sóıtip, Kibise jylynyń qarapaıym jyldan bir kún artyqshylyǵy bar.
Ýıkıpedııadaǵy málimetke nazar salsaq, Kibise jylynyń paıda bolýy ejelgi Mysyrdan bastaý alǵan. Osy eldiń ǵalymy Sotıs sonaý jyldardyń ózinde eń jaryq juldyz — «Súmbileni» biraz zerttegen. Onyń tańerteńgilik ońtústik kókjıekten kórinetinin ańǵarǵannan bastap, ár jyldyń 365 kúnnen turatynyn anyqtaǵan. Osylaı, juldyzdardyń jaı-kúıin tereń zerttegen mysyrlyq ǵalymdar kúnderdi jańylmaı sanaı otyryp, halyqqa Súmbileniń týatyn mezgilin der kezinde eskertip júrdi. Qazirgi qoldanystaǵy kúntizbe osyndaı sanaqtyń nátıjesinde paıda boldy.
Ulttyq statıstıka bıýrosynyń málimetinshe, táýelsizdik jyldarynda (1992 jyldan bastap) 29 aqpanda 5110 adam dúnıege kelgen. Olardyń 2707-ci — er adam, 2403-i — áıel adam. Kibise jyldarynyń arasynda ázirge 2016 jyl kósh bastap tur. Bul jyly 29 aqpanda 438 er bala, 432 qyz bala ómirge kelipti.
