Tórt jyl boı tasalaǵan: Pavlodar oblysynda kúdikti segiz jylǵa sottaldy
ASTANA. KAZINFORM — Jedel-izdestirý is-sharalarynyń nátıjesinde densaýlyqqa qasaqana aýyr zııan keltirýdiń 17 deregi ashyldy. Onyń ishinde tórt qylmys adam ólimine qatysy bar. Pavlodar oblysynda tórt jyl buryn kisi ólimine ákep soqqan qylmystyń beti ashyldy. Bul týraly Polisia.kz jazdy.
— 2022 jyldyń qyrkúıeginde Sharbaqty kentindegi jeke úılerdiń birinen jergilikti turǵynnyń máıiti tabylǵan. Onyń denesinde kóptegen jaraqat belgileri bolǵan. Jedel-tergeý is-sharalarynyń júrgizilgenine qaramastan, qylmysty izin sýytpaı ashý múmkin bolmady, — delingen habarlamada.
2026 jyly polıtsııa qyzmetkerleriniń muqııat jumysy, qosymsha jedel-izdestirý sharalaryn júrgizýi jáne marqumnyń baılanys ortasyn tolyq tekserýi nátıjesinde kúdikti anyqtaldy.
— Ol qaza tapqan azamattyń tanysy bolyp shyqty. Tergeý barysynda oqıǵa kúni er adamdardyń birge spırttik ishimdik ishkeni anyqtaldy. Aralarynda týyndaǵan janjal kezinde kúdikti jábirlenýshige dene jaraqattaryn salǵan, sonyń saldarynan ol kóz jumǵan. 9 aqpanda jınalǵan dálelderdiń negizinde kúdikti óz kinásin moıyndap, ýaqytsha ustaý ızolıatoryna qamaldy, — dep habarlady ІІM-nen.
Naýryz aıynda Pavlodar oblysy Sharbaqty aýdandyq sotynyń úkimimen ol kináli dep tanylyp, segiz jylǵa bas bostandyǵynan aıyryldy.
ІІM jazanyń bultartpastyǵy qaǵıdatyn iske asyrýdy júrgizip keledi. Árbir qylmystyń ashylýy erekshe baqylaýda.
