Tórt jasar qyz balalar kıiminiń toptamasyn shyǵarady (FOTO)
ASTANA. QazAqparat - Amerıkalyq J. Crew brendi 4 jasar Meıhem Kaızermen birigip, balalar kıiminiń toptamasyn shyǵarady. Kishkentaı qyzdyń oılap tapqan kıim úlgileri 2015 jyldyń jaz aılarynan bastap shyǵady, kıimderdiń bastapqy baǵasy 22,5 dollardan turatyn bolady, dep jazady sheteldik BAQ.
Meıhem sándi kóılek úlgilerin qaǵazdan jasaıdy, al mamandar onyń ıdeıalaryn paıdalanyp kóılekterdi matadan tigedi. Daıyn kıimder J. Crew brendimen satylymǵa shyǵady. Crewcuts kompanııasynyń basshysy Djennı Kýper Meıhemniń jasaǵan kıim úlgilerin kórip tańdanysyn jasyra almaǵanyn aıtty.
Meıhemniń aty anasy Instagrammda akkaýnt ashyp, qyzynyń jasaǵan kıim úlgilerin jarııalaǵannan bastap tanylǵan.
