Tórt jasar bala kólikti aıdap áketti
ASTANA. 28 qyrkúıek. QazAqparat - Shvetsııada tórt jasar bala anasynyń kóligin aıdap áketti, dep jazady The Local. Oqıǵa áıeldiń uıqtap jatqan kezinde boldy.
Mashına kiltin alǵan bala kóshege shyǵyp, jeńil kólikke otyryp, ony otaldyryp, jolǵa shyqqan. Kishkentaı bala 500-ge jýyq metrdeı júrip, úsh jerden burylys jasaǵan, odan keıin júk kóligimen soqtyǵysty.
Shaǵyn jol apaty bolǵan jerge shuǵyl jetken polıtseılerdiń rýlde basy ǵana qyltıyp kóringen búldirshindi kórgende tańdanbasqa sharalary qalmady. Olar balany jergilikti turǵynmen birge úıine jiberdi. Al anasy bárin baıandap bergende, onyń kólikti aıdap áketip, tipti jarty shaqyrymdaı jol júrgenine senbegen kórinedi.
