Tórt tildi meńgergen 11 jasar qazaq balasy jahan jurtyn tánti etti

ASTANA. KAZINFORM - Tórt tildi teń meńgergen qazaq balasy jahan jurtyn tánti etti. 11 jasar Beknur Jánibektiń álemge tanymal bloger ıÝdjıge bergen suhbaty jelide mıllıondaǵan qaralym jınaǵan, dep habarlaıdy «Jibek joly» telearnasy.

Qol-aıaǵy bolmasa da, kópten ozǵan jetkinshek qazaq, orys, aǵylshyn jáne frantsýz tilderinde erkin sóıleıdi.

«ıÝdjı on tilde sóıleıdi. Beknur da soǵan talpynyp júr. Qyzyǵýshylyqtary birdeı bolǵan soń shyǵar, ekeýi tez til tabysty. Beknur ıÝdjıdi úlgi tutady. Jelidegi beınejazbalaryn jibermeı qaraıdy. Blogerdiń Qazaqstanǵa kele jatqanyn kórip, kezdesýge usynys jasadyq. Ol birden kelisti. Ekeýiniń suhbatyn jelige júktegenimiz sol edi, álemniń túkpir-túkpirinen jyly lebizder kóptep keldi», - deıdi Beknurdyń anasy.

Beknur bilim men ónerdi qatar alyp júr. Ómirge qushtar jetkinshek aǵylshyn tilinen respýblıkalyq olımpıadanyń jeńimpazy. Evrovıvjn-2021 án baıqaýynyń birinshi oryn ıegeri.

«Alty jasymnan án aıta bastadym. Evrovıdenıege ákem apardy. Múmkin emes nárse joq! Qol-aıaq joq bolsa da, bári múmkin! Maqsatqa jetýge bolady», - deıdi Beknur Jánibekuly.

Daryndy jetkinshek qazaq tilinde osydan bir jyl buryn sóıleı bastaǵan. Oǵan deıin otbasymen uzaq ýaqyt áýeli Amerıkada, sosyn Frantsııada turǵan. Biraq Beknur týǵan jerin qatty saǵynatyn.

«Onyń ústine úsh tildi bile tura, ana tilinde sóılemeıtini ony qynjyltatyn. Sondyqtan shet elde halyq ánderin jıi aıtyp júrdi», - deıdi ata-anasy.

Bektemisovter otbasy elge byltyr qaıta oralǵan. Qazir Beknur qazaq mektebinde oqıdy.

«Beknur óte alǵyr. Bilimge qushtar. Bizdiń mekteptiń maqtanyshy. Qaı pándi bolmasyn, jaqsy oqıdy. Beknur bolashaqta IT maman bolǵysy keledi. Talaby taýdaı óren armanyna umtylýdy qazirden bastap, tsıfrlyq tehnologııalardyń qyr-syryn úırenip júr», - deıdi Beknurdyń synyp jetekshisi Mádına Ánýarova.

Janel Nurbolat

Almat Meńdibaev