Tórt tıtýldy ıelený kerek: Jánibek Álimhanuly sporttaǵy maqsatyn aıtty

ASTANA. KAZINFORM – WBO/IBF orta salmaqtaǵy álem chempıony Jánibek Álimhanuly jelidegi paraqshasyna aldaǵy jekpe-jegi jaıynda jazba jarııalady.

- Naǵyz chempıon tórt tıtýldyń bárin ıelenýge umtylýy kerek! Eger sende 1-2 ǵana belbeý bolsa, demek salmaǵyńda basqa da chempıondar áli bar degen sóz.

Chempıon eshqandaı tıtýldy ózgege qaldyrmaı, barlyǵyn jınaýǵa tyrysýy kerek! Chempıondyq ustanym osyndaı bolý shart dep esepteımin, - dep jazdy ol.

Sheteldik aqparat kózderiniń dereginshe, Kazakh style atanǵan bylǵary qolǵap sheberi 6 jeltoqsanda WBA belbeýin jeńip alý úshin kýbalyq Erıslandı Laromen qolǵap túıistiredi. 

Aıta keteıik, Qazirgi ýaqytta Jánibek AQSh-ta aldaǵy aıqasyna daıyndyǵyn bastap ketti. Ol jekpe-jektiń sátti ótetinine tolyq senimdi ekenin jetkizdi.