Tórt táýlik buryn Kaspıı teńizine batyp ketken úsh balyqshynyń denesi tabyldy, tórtinshisi izdestirilýde - QR TJM
ASTANA. 31 mamyr. QazAqparat - Tórt kún buryn Kaspıı teńizine batyp ketken úsh balyqshynyń denesi tabyldy, tórtinshisiniń máıitin izdeý jumystary jalǵasýda, dep habarlady QR TJM-niń baspasóz qyzmetinen.
Sársenbi, 30 mamyr kúni Atyraý oblysynda Kaspıı teńizindegi «Martyshı» ken ornynyń aýmaǵynan úsh balyqshynyń: R.Sarmanov, K.Nurdáýletov, I.Esenǵalıevtiń deneleri sýdan shyǵaryldy. Jumystarǵa QR TJM Atyraý oblysy boıynsha TJD-niń 6 adamy men QR TJM «Kazavıaspas» RMK-nyń 1 tikushaǵy jumyldyryldy.
Tórtinshi balyqshy A.Eleýovti izdeý sharalaryn QR TJM Atyraý oblystyq TJD sýdan-qutqarý qyzmeti júrgizýde.
Buǵan deıin habarlanǵandaı, atalmysh tórt adam 26 mamyr kúni balyq aýlaý kezinde sýǵa batyp ketti.
