Tórt salmaq sanatyndaǵy burynǵy álem chempıony tutqyndaldy
ASTANA. QazAqparat - Amerıkalyq boksshy Edrıen Broner (33-3-1, 24 KO) fılıppındik Mennı Pakıaoǵa (60-7-2, 39 KO) qarsy kezdesý aldynan qamaýǵa alyndy, dep habarlaıdy Sports.kz.
Broner jeksenbi kúni Florıda shtatynda qamaýǵa alyndy. Oǵan amerıkalyqtyń birneshe sot otyrysyna barmaýy sebep bolǵan. Edrıenge qarsy sot protsesiniń bastalǵanyna jylǵa taıap qalǵan. Boksshyǵa avtomobıl júrgizýdegi birneshe ret ereje buzdy degen aıyp taǵylyp otyr. Budan tys, ol satyp alynǵan zergerlik buıymdar úshin aqsha tólemegen.
Aıta ketsek, Broner - Pakıao jekpe-jegi 19 qańtar kúni Las-Vegastyń MGM Grand arenasynda ótýi tıis bolatyn.
