Tórt salmaq dárejesindegi álemniń eks-chempıony túrmege tústi
NUR-SULTAN. QazAqparat – Tórt sanattaǵy burynǵy álem chempıony amerıkalyq Adrıen Broner (33-4-1, 24 KO) sot sheshimimen 7 kún merzimge qamaýǵa alyndy. Buǵan sebep – 2018 jyly sottyń sheshimimen shyqqan jynystyq zorlyq-zombylyq týraly is boıynsha synaq merzimin buzýy, dep habarlaıdy QazAqparat Clevland.com saıtyna silteme jasap.
Bronerdi 2018 jyldyń qarashasynda 35 jastaǵy áıel Klıvlend túngi klýbtarynyń birinde bolǵan keshte jynystyq sıpatta zorlyq-zombylyq jasady dep aıyptaǵan.
2019 jyldyń sáýirinde Edrıen kinásin moıyndap, eki jyl synaq merzimin aldy. Boksshy ózin aqtaý kezinde sýdıaǵa jaqynda áıelimen aıyrylysyp, depressııaǵa ushyraǵanyn jáne psıhologtyń kómegine muqtaj ekenin aıtqan.
Broner advokat jaldamaǵandyqtan jáne bul isti elemegendikten, sot mindettemelerdiń oryndalmaǵandyǵy týraly sheshim qabyldap, Edrıennen jábirlenýshige 830 000 dollar tóleýge úkim shyǵardy.
Broner 2019 jyldyń qańtarynan bastap rıngke shyǵyp júrgen joq. Sol jyly (UD 12) fılıppındik Mennı Pakıaodan upaı sany boıynsha jeńilip qalǵan bolatyn.
