Tórt óńirdegi respýblıkalyq mańyzy bar avtojoldardyń 11 ýchaskesinde qozǵalys shektelgen
ASTANA. KAZINFORM - «QazAvtoJol» UK» AQ málimetteri boıynsha, qolaısyz aýa raıy jaǵdaılaryna, qatty jelge jáne joldyń nashar kórinýine baılanysty 4 óńirdegi respýblıkalyq mańyzy bar avtojoldardyń 11 ýchaskesinde qozǵalys jabyq jáne shektelgen.
Bul týraly «QazAvtoJol» UK» aktsıonerlik qoǵamynyń baspasóz qyzmetinen habarlandy.
Qostanaı jáne Soltústik Qazaqstan oblystarynda kólik quraldarynyń barlyq túrleri úshin jol jabyq.
Aıta keteıik, aýa raıyna baılanysty eskertýler jasalyp, kún buzylǵan kezde QR TJM kelesini usynady:
alys saparlarǵa shyqpaý;
aýyl turǵyndaryna jaıaý uzaq jolǵa shyǵýdan bas tartý;
eldi mekenderden tys jerlerge shyqpaý;
jol jabylatyn jerlerde kólik quraldaryn qoımaý;
múmkin bolsa, eldi mekenderde, kempıngterde nemese jol boıyndaǵy kafelerge toqtaý.
Tótenshe jaǵdaı kezinde 112 nómirine habarlasyńyz!
Osyǵan deıin Shyǵys Qazaqstan men Abaı oblystarynda kólik qozǵalysyna shekteý qoıylǵany týraly jazdyq.
