Tórt óńirde oblystyq jáne respýblıkalyq mańyzy bar joldar jabyldy
ASTANA. KAZINFORM — Aýa raıynyń nasharlaýyna baılanysty Qostanaı jáne Pavlodar oblystarynda oblystyq mańyzy bar 2 avtojol, Aqtóbe, Qyzylorda jáne Pavlodar oblystarynda respýblıkalyq mańyzy bar avtojoldardyń 3 ýchaskesinde avtokóliktiń barlyq túrleri úshin qozǵalys jabyq. Bul týraly Tótenshe jaǵdaılar mınıstrligi habarlady.
Aqtóbe oblysy:
«RF shekarasy-Aktóbe-Qyzylorda-Almaty- QHR shekarasy»;
Qyzylorda oblysy:
RF shekarasy-Mártók-Aqtóbe-Qarabutaq-Qyzylorda-Shymkent-Taraz-Qordaı-Almaty-Horgos-QHR shekarasy»;
Pavlodar oblysy:
«Pavlodar-Sharbaqty-RF shekarasy».
Sondaı-aq habarlamada TJM qaýipsizdik sharalaryn saqtaýǵa keńes berdi.
«Daýyldy eskertý jarııalaǵan kezde, ásirese qarańǵy ýaqytta alys jerlerge saparǵa shyǵýdan bas tartyp, jaıaý júrýden aýlaq bolyńyzdar. Aýa-raıy jaǵdaıy men avtojoldardaǵy kólik qozǵalysynyń shekteýleri týraly aqparatty baqylańyzdar», delingen habarlamada.
Aıta keteıik, sınoptıkter 3 jeltoqsanda aýa raıy kúrt ózgeretinin eskertken edi.
Buǵan deıin 2 jeltoqsan kúni elimizdiń eki óńirinde kólik qozǵalysyna shekteý qoıylǵanyn jazdyq.