Tórt oblysta sý tasqynyna baılanysty kólik qozǵalysy shekteldi
ASTANA. QazAqparat - ShQO, Qaraǵandy, Pavlodar, OQO-nyń respýblıkalyq mańyzy bar joldarynyń túrli ýchaskelerinde sý tasqynyna baılanysty kólik qozǵalysy shekteldi, dep habarlady «Qazavtojol» RMK baspasóz qyzmeti.
ShQO-da «Semeı-Qaınar» (8-166 shaqyrym, 27 shaqyrymdy sý shaıǵan) tas jolynda kóliktiń barlyq túrine qozǵalys shekteldi. Aınalma jol - «Semeı-Qaraýyl» joly arqyly.
Qaraǵandy oblysynda 166+750 shaqyrym joldy sý shaıdy. «Aqshataý-Aqadyr» (90-167 shaqyrym) jolynda kóliktiń barlyq túrine qozǵalys shekteldi. Aınalma jol - «Qaraǵandy-Aqsý-Aıýly-Aqadyr» joly arqyly.
Pavlodar oblysynda Qalqaman-Baıanaýyl-Kerneı-Ýlıanovskıı» jolynyń (58-138 shaqyrym) Maıkınnen Baıanaýylǵa deıingi bóliginde (101 shaqyrymdy sý shaıǵan) kóliktiń barlyq túrine qozǵalys shekteldi.
OQO-da «Samara-Shymkent» kúre jolynda (2217-2235 shaqyrym, 2229 shaqyrymdy sý shaıǵan) kóliktiń barlyq túrine qozǵalys shekteldi.
Aınalma jol - Temirlan aýyly arqyly.
Bul ýchaskelerde sý ótkizý qubyrlary bar, nyǵaıtý jumystary júrip jatyr. Eskertý belgileri, sıgnaldy baǵandar qoıyldy. Táýlik boıy kezekshilik jumys isteıdi.
Aýa raıynyń nasharlaýyna baılanysty budan buryn Aqmola, Aqtóbe, Qostanaı oblystaryna engizilgen shekteý alyndy. Qazir jol ashyq.
