Tórt oblysta aýa raıyna baılanysty eskertý jarııalandy
NUR-SULTAN. QazAqparat – Tórt oblysta qolaısyz aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
20 jeltoqsanda Nur-Sultan qalasynda burqasyn soǵady, kúndiz kóktaıǵaq bolýy yqtımal. Ońtústik-batystan, ońtústikten jel soǵady, kúndiz ekpini 15-20 m/s jetýi múmkin.
20 jeltoqsanda kúndiz Aqmola oblysynyń keı jerlerinde qalyń qar jaýady. Keı jerlerde tuman túsip, boran soǵady. Kúndiz keı jerlerde kóktaıǵaq bolýy múmkin. Ońtústik-batystan, ońtústikten jel soǵady, keı jerlerde kúshi 15-20 m/s jetedi.
Sol kúni Kókshetaý qalasynda jaıaý burqasyn kútiledi. Túnde jáne tańerteń tuman túsedi. Ońtústik-batystan, ońtústikten jel soǵady, ekpini 15 m/s jetedi.
20 jeltoqsandy Shyǵys Qazaqstan oblysynda keı jerlerde qar jaýady, burqasyn soǵyp, kóktaıǵaq bolady. Ońtústik-shyǵystan coqqan jel soltústik-batysqa aýysady, kúshi keı jerlerde 15-20, ekpini 23-28 m/s jetedi.
Sol kúni Óskemen qalasynda jeldiń ekpini 15-20 m/s jetýi yqtımal.
20 jeltoqsanda túnde Túrkistan oblysyndaǵy taýlarda qatty jaýyn-shashyn (jańbyr, qar) kútiledi. Keı jerlerde tuman túsip, kóktaıǵaq saqtalady. Oblystyń basym bóliginde ońtústik-batystan soǵatyn jeldiń kúshi 15-20, keı jerlerde ekpini 23-28 m/s jetedi.
Sol kúni Shymkent qalasynda ońtústik-batystan 15-20 m/s jel soǵady.
Túrkistan qalasynda da ońtústik-batystan soqqan jel 15-20 m/s kúsheıedi.
20 jeltoqsanda Qostanaı oblysynyń keı jerlerinde qalyń qar jaýady. Keı jerlerde boran soǵyp, tuman túsedi, kóktaıǵaq bolýy yqtımal. Ońtústik-batystan, batystan jel soǵady, keı jerlerde ekpini 15-20, 23 m/s jetedi.
Sol kúni Qostanaı qalasynda qar jaýady, burqasyn soǵady, ońtústik-batystan, batystan jel soǵady, ekpini 18 m/s jetýi múmkin.
