Tórt oblysta jol jabyldy

ASTANA.KAZINFORM - QazAvtoJol tórt oblysta kólik qozǵalysyna shekteý qoıylǵanyn habarlady.

2026 jylǵy 5 naýryz saǵat 20:00-de aýa raıynyń qolaısyzdyǵyna baılanysty barlyq avtokólik túri úshin qozǵalysqa shekteý engizildi:

Abaı oblysy:

- «QHR shekarasy — Maıqapshaǵaı — Zaısan aınalyp ótý jolymen — Qalbataý — Semeı — Pavlodar — RF shekarasy (Ýrlıýtobe ótkizý pýnkti)» avtojolynyń 756 — 1002 shaqyrym aralyǵy (Semeı qalasy — Kókpekti);

- «Almaty — Taldyqorǵan — Óskemen — Shemonaıha — RF shekarasy» avtojolynyń 778 — 1013 shaqyrym aralyǵy (Aıagóz qalasy — ShQO shekarasy).

Shyǵys Qazaqstan oblysy:

- «Almaty — Taldyqorǵan — Óskemen — Shemonaıha — RF shekarasy» avtojolynyń 1013 — 1062 shaqyrym aralyǵy (Abaı oblysynyń shekarasy — Rýbej beketi).

Sonymen qatar 5 naýryz saǵat 21:30-da aýa raıynyń buzylýyna baılanysty kelesi respýblıkalyq mańyzy bar avtojoldarda júk jáne qoǵamdyq kólik túrleri qozǵalysyna shekteý engiziledi:

Qaraǵandy oblysy:

- «Astana — Qaraǵandy — Almaty» avtojolynyń 92 — 164 shaqyrym aralyǵy (Aqmola oblysynyń shekarasy — Temirtaý tólem qabyldaý pýnkti).

Aqmola oblysy:

- «Astana — Qaraǵandy — Almaty» avtojolynyń 30 — 92 shaqyrym aralyǵy (Jibek Joly tólem qabyldaý pýnkti — Qaraǵandy oblysynyń shekarasy).

Joldy 2026 jyly 6 naýryz saǵat 08:00-da ashý josparlanǵan.

1403 baılanys ortalyǵyna habarlasyp, táýlik boıy qosymsha aqparat alýǵa bolady.

QazAvtoJol buǵan deıin aýa raıyna baılanysty 5 óńirde kólik qozǵalysyna shekteý qoıylǵanyn habarlaǵan edi.